sponsor

Slider

Theme images by kelvinjay. Powered by Blogger.

समाचार

वैदेशिक समाचार

मल्टिमिडिया

गतिविधि

सेराेफेराे

राष्ट्रिय समाचार

ग्यालरी

गायन प्रतियोगिता खोटाङ आईडलको फाईनलमा पाँच प्रतिभा

खोटाङ फागुन–१२, जिल्लाब्यापी गायन प्रतियोगिता खोटाङ आईडलको फाईनल चरणको लागि पाँच प्रतिभा छनौट भएका छन् । परिबर्तन नेपाल हलेसी तुवाचुङ नगरपालिका राजापानीले आयोजना गरेको प्रतियोगिताको शनिबार दिक्तेलबजारस्थित समीक्षालय हलमा सम्पन्न छैठौं राउण्डको अडिसनबाट पाँच प्रतिभा छनौट भएका हुन् ।

निर्णायकको निर्णय र जनमतको आधारमा छनौट गरिएको छैंटौ अडिसनबाट केपिलासगढी गाउँपालिका सप्तेश्वरका तेज राई, सोही गाउँपालिका खार्ताम्छाका सुमन राई र रुपाकोट मझुवागढी नगरपालिका लफ्याङका अमिता राई रहेका छन् । यस्तै, दिप्रुङ गाउँपालिका छोरम्बुका रोहित चाम्लिङ र सिम्पानीका दिपा राई फाईनलको लागि छनौट भएको आयोजकले जनाएको छ । 

पाँचौ अडिसनबाट नै ६० प्रतिशत निर्णायकको निर्णय र ४० प्रतिशत जनताको मतबाट प्रतिभा छनौट गरिने प्रवधान बनाईएको प्रतियोगिता अन्तर्गत छैंटौ अडिसनका प्रतियोगीहरुलाई पूर्बेली लोकभाका र राष्ट्रियता झल्कने गीत प्रस्तुत गराईएको थियो । 

जिल्लाका गाउँ–गाउँमा लुकेर रहेका प्रतिभाको खोजी गर्दै अवसर प्रदान गर्ने उदेश्यले शुरु गरिएको  प्रतियोगिताको छैठौ अडिसनका लागि गायक रुपकुमार राई, गायक तथा संगीतकार पृथी जिम्बा र पदम थुलुङ राई निर्णायक रहनुभएको थियो ।

प्रतियोगिताको फाईनल चैत्र ३ गते दिक्तेलबजारमा आयोजना हुने आयोजकले जनाएको छ । प्रतियोगिताको चौथो अडिसनबाट नै टिकट किनेर मात्र दर्शकलाई कार्यक्रम स्थलमा प्रबेश गर्न पाउने ब्यवस्था हुँदै आएको छ ।

विजेतामध्ये प्रथमले ५४ हजार ५ सय चौहत्तरका साथमा २१ हजार बराबरको मोटोरोला मोवाईल फोन, ट्रफी, प्रमाणपत्र ६ महिना संगीत कोर्ष एक गीत रेर्कडीङ, दोश्रोले २४ हजार ५ सय ७४ नगद र प्रमाणपत्र, एक गीत रेर्कडीङ तीन महिना संगीत कोर्ष तथा तेश्रोले १० हजार ५ सय ७४ नगदसहित प्रमाणपत्र, महिनादिन संगीत कोर्ष र एक गीत रेर्कडीङ गर्न पाउनेछन् । वेष्ट भोकलिष्ट एकजनाले २ हजार ५ सय ७४ नगदका साथमा प्रमाणपत्र प्राप्त गर्नेछन् ।

केपीलासगढी गाउँपालिकामा आदिबासी जनजाती समन्वय परिषद

खोटाङको केपीलासगढी गाउँपालिकामा आदिबासी जनजाती समन्वय परिषदको तदर्थ समिति गठन गरिएको छ । नेपाल आदिबासी जनजाती महासंघ जिल्ला समिति खोटाङको पहलमा छत्रकुमार राईको अध्यक्षतामा ९ सदस्यीय आदिबासी जनजाती महासंघ केपीलासगढी गाउँपालिका समन्वय परिषदको तदर्थ समिति गठन गरिएको हो । 
समन्वय परिषदको उपाध्यक्षमा कान्ती गुरुङ, सचिवमा रोशन श्रेष्ठ, सह–सचिवमा दानकुमारी सुनुवार र कोषाध्यक्षमा मुना तामाङ चयन भएका छन् । गाउँपालिकाभित्रका विभिन्न जनजातजातील संगठनका प्रतिनिधिलाई समेटेर आदिबासी जनजाती महासंघ केपीलासगढी गाउँपालिका समन्वय परिषदको तदर्थ समिति गठन गरिएको हो । 
नेपाल आदिबासी जनजाती महासंघ जिल्ला समितिका अध्यक्ष हात्तीराम राई, उपाध्यक्ष कृष्ण गुरुङ, सदस्य रबिन सुनुवार लगायतको उपस्थिथितिमा शनिबार आदिबासी जनजाती महासंघ केपीलासगढी गाउँपालिका समन्वय परिषदको तदर्थ समिति गठन गरिएको हो । 


को हुन् हिमालसागर, जो साराङ्गीमार्फत सूचना बाँड्न पाउँदा आनन्द मान्छन् ?


 
लिला निरौला / खोटाङ  

फागुन–१२, “भने जस्तो कहाँ हुदो रै’छ र विदेशमा । नेपालमा हुँदा अकै सपना बोकेर गइन्छ तर त्यो भन्दा फरक हुँदोरै’छ अर्काको देशमा ।’ 

भोजपुर जिल्ला अरुण गाउँपालिका–६ जरायोटारका हिमालसागर गन्धर्व रोजगारीको सिलसिलामा २०७१ सालमा  विदेश जानु भएको थियो । उहाँलाई मलेसिया जानका लागि ८५ हजार रुपैया लाग्यो । 

१९ वर्षको हुनुहुन्थ्यो । सानै उमेर भएपनि विदेश जाने रहर जाग्योे  । घरमा आर्थिक अवस्था कमजोर नै थियो हिमालसागरको बाबा र दाई पनि साराङ्गी बजाउनु हुन्थ्यो ।   उहाँको घरमा आमा–बाबा, दाई अनि बहिनि  हुनुहुन्छ । 

तर उहाँलाई साराङ्गी बजाएर नेपालको कुनाकन्दरा डुल्नु भन्दा विदेश जाँदा नै राम्रो कमाई हुने सोँच आयो ।  गाँऊघरका दाजुभाईहरु पनि विदेश जाने क्रम त्यति नै थियो । त्यस पछि उहाँले विदेशको लागि सबै कुरा बुझेर  मात्र  जान्छु  भनी सोँच बनाउनुभयो । 

हिमाल ज्यानमा पनि सानै हुनुहुन्थ्यो । मलेसिया गएको केही समयसम्म त निकै नै गाह्रो भएको थियो  । साथीहरुले बोलेको कुरा पनि बुझ्न मुस्किल  हुन्थ्यो  । 
तर पनि बाध्यताले विदेश नै बसे ।  समय बित्दै जाँदा तर हिमाल बिरामी हुन थाले  । हावापानी, रहनसहन नमिलेका कारणले उहाँलाई धेरै नै समस्या भयो । 

हिमाललाई काठ काट्ने सम्बन्धीको काम आउँथ्यो । त्यही भनेर ट्रेडमा जानु भएको थियो तर विदेशमा लेबरको काममा  पर्नुभयो । 
विदेश गएको  ३ महिना पुगेपछि चाहिँ  साथीभाई सग घुलमिल हुन थाल्नु भयो । 
उता गाउँमा साहुको ऋण काढेर जानुभएकोले ब्याज पनि धेरै नै भैसकेको थियो । नेपालमा हुँदा मेनपावरले मासिक  १२ सय हुन्छ भनका थिए । तर कम्पनीले  ८ सय  मात्र दिन्थ्यो । 

१ वर्ष भएपछि जेनतेन ऋण तिर्नुभयो । ब्याज धेरे नै भैसकेको रहेछ  । 

२०७४ सालमा करार अवधि सकिएपछि हिमालसागर घर पर्किनु भएको छ ।  उहाँका दाई  तेजिन्द्र गन्र्धव  भने  सुरक्षित आप्रवासन परियोजना सामीका कलाकार भएर खोटाङ रामेछाप र उदयपुरमा सुरक्षित वैदेशिक रोजगार सम्बन्धी गीत संगीतकोे माध्यमबाट  सुचना दिदै आइरहनु भएको थियो । 

उहाँले पनि त्यही कामलाई प्राथमिकता दिएर हाल विभिन्न ठाउँमा सुचना सन्देश दिदै डुलिरहनुभएको छ  ।
 उहाँ भन्नुहुन्छ–‘विदेशमा काम गरेको अनुभवहरु गाउँसमुदायमा गएर सचेतना गँराउदा आनन्द आउँछ ।’ 
 हिमालले  विदेश बाट फर्किदा ऋण तिरिसकेर ३ लाख ५० हजार रुपैयाँ बचाउनुभएको थियो । तर विदेशमा भन्दा त नेपालमा अझ बढी कमाइने रहेछ भन्ने उहाँलाई लागेको छ ।

हिमालको एक मनले विदेशबाट ल्याएको पैसाले यहीँ नै ब्रोइलर कुखुरा फर्म खालेर बसौं पनि भन्छ । साराङ्गी बजाउने पेशालाई नै ब्यवसायिक बनाउन पाए पनि हुन्थ्यो जस्तो पनि लाग्छ ।
तर बिदेश कुनै पनि हालतमा नजाने उहाँको संकल्प छ । 
विदेशमा मालिकले गाली गरेको अझै पनि हिमालको कानमा गुञ्जिरहन्छ । ‘गाउँघरमा गएर विदेश  जान लागेकाहरुलाई साराङगी बजाउँदै गीत गाएर सुचना दिन पाँउदा सारै नै आनन्द लाग्छ ।’ 
सुरक्षित आप्रवासन सामी परियोजना र बालसेवा समाज नेपाल नेर्पा खोटाङद्वारा जिल्लामा सञ्चालित बिद्यालय तथा आम सञ्चार कार्यक्रम अन्र्तगत बिभिन्न गाउँटोलमा सम्पन्न गरिएको गन्धर्ब गीति यात्रामा हिमाल र उनका दाजु तेजिन्द्रले मन छुने गीत गाउँदै सूचना तथा सन्देश प्रवाह गरेका थिए । 

‘हलेसीको सार्बजानिक जग्गामा निर्मित सबै संरचना भत्काईन्छ’

खोटाङ फागुन–१२, खोटाङको हलेसी तुवाचुङ नगरपालिकाभित्रको सार्बजानिक जग्गा मिचेर निर्माण गरिएको घर–टहरा लगायतको संरचना हटाउनका लागि बल प्रयोग गरिएको छ । मापदण्ड बिपरितको संरचना हटाउन चौथोपल्ट दिएको म्याद बित्दा समेत सम्बन्धित ब्यक्तिले अटेर गरेपछि शुक्रबारदेखि नगरपालिकाले बल प्रयोग गर्दै डोजर लगाएर भत्काउन थालेका हुन् । 

धार्मिक तथा पर्यटकीयस्थल हलेसी आसपासमा सार्वजनिक जग्गा मिचेर निर्माण गरिएको अस्तव्यस्त संरचना हटाउँदै हलेसीलाई सुन्दर धार्मिक तथा पर्यटकीय नगरीका रुपमा बिकास गर्ने लक्ष्यका साथ सार्वजनिक एबं सडकको जग्गा अतिक्रमण गरेर बनाइएको संरचना हटाउन शुरु गरिएको हो । 

सुरक्षाकर्मी सहित हलेसी पुगेका सहायक प्रमुख जिल्ला अधिकारी सन्तोष सुबेदीको उपस्थितिमा हलेसी तुवाचुङ नगरपालिकाले डोजर लगाएर टहरा भत्काउन थालिएको हलेसी तुवाचुङ नगरपालिकाका मेयर इवन राईले बताए । नगरपालिकाले हलेसी आसपासका २१ स्थानीयको २४ वटा टहरा भत्काईएको छ । 

जिल्ला नापी कार्यालयबाट अमिनि बोलाई सार्बजानिक जग्गामा निर्माण भएको एकिन भएको संरचनाहरु भत्काईएको मेयर राईले स्पष्ट पारे । मेयर राईको अनुसार सार्बजानिक जग्गा मिचेर निर्माण गरिएको सबै संरचना हटाईने छ । 

अब २२ वटा टहरा भत्काउन बाँकी रहेको जनाईएको छ । उक्त टहराहरु केही नीजि र केही सार्बजानिक जग्गामा बनेकाले अमिनीबाट एकिन गराई भत्काउने कार्य जारी राख्ने नगरपालिकाले जनाएको छ । 
सार्वजनिक सुचना प्रकाशन, सूचना टाँस एबं माइकिङ गरेर आग्रह गर्दा समेत टहरा हटाउन अटेर गरिएपछि नगरपालिकाले बल प्रयोग गर्नु परेको नगरका जनप्रतिनिधिहरु बताउँछन् । 

केही स्थानीयले भने निरिह र प्रतिवाद गर्न नसक्ने सर्बसाधारणको टहरा मात्र भत्काईएको गुनासो गरेका छन् ।  पहुँचवाला र टाठा–बाठाको घर–टहरा नभत्काईएको स्थानीय सुनाउँछन् । ‘त्यस्तै देखिएको छ । केही भत्काउनै पर्ने घर–टहराको कागज रोकिरहेका छन् भन्ने सुनिएको छ ।’ वडा नम्बर एकको सदस्य डिल्ली चाम्लिङले भने–‘ हलेसी मन्दिर नजिकै पर्ने रिठ्ठाबोटे लाईनको कुनै पनि टहरा छोईएको छैन ।’

हलेसी मन्दिर समेत रहेको वडा नम्बर–१ का अध्यक्ष चईन्द्र राईले भने सार्बजानिक जग्गा मिचेको वा नमिचेको भन्ने एकिन नभई बिवादित देखिएको बाहेक सबै संरचना भत्काईएको स्पष्ट पारे । 

उनी भन्छन्–‘भन्ने सबैले त्यही हो, तर बिवादित बाहेक सबै घर–टहरा भत्काईएको छ र भत्काईने छ ।’ एक घर भने सार्बजानिक र नीजि दुवै जग्गामा पाईएकोले विबादित बनेकाले एकिन भए पछि घरधनी स्वयमले भत्काउने कागज गरेर छाडिएको राईको भनाई छ ।

हलेसीमा सार्बजानिक जग्गा मिचेर बनाईएकोे संरचना भत्काउन सुरु

खोटाङ फागुन–११, खोटाङको हलेसी आसपासमा मापदण्ड बिपरित बनाईएको टहरा लगायतको संरचना हटाउनका लागि चौथोपल्ट दिएको म्याद बित्दा समेत अटेर गरेको पाइएपछि  डोजर लगाएर हटाउन थालिएको छ । धार्मिक तथा पर्यटकीयस्थल हलेसी आसपासमा सार्वजनिक जग्गा मिचेर निर्माण गरिएको अस्तव्यस्त संरचना हटाउँदै हलेसीलाई सुन्दर धार्मिक नगरीका रुपमा बिकास गर्ने लक्ष्यका साथ सार्वजनिक एबं सडकको जग्गा अतिक्रमण गरेर बनाइएको संरचना हटाउन शुरु थालिएको हो । 

सुरक्षाकर्मी सहित हलेसी पुगेका सहायक प्रमुख जिल्ला अधिकारी सन्तोष सुबेदीको उपस्थितिमा हलेसी तुवाचुङ नगरपालिकाले डोजर लगाएर टहरा भत्काउन थालिएको हलेसी तुवाचुङ नगरपालिकाका मेयर इवन राईले बताउनुभयो । नगरपालिकाले हलेसी आसपासका २१ स्थानीयको २३ वटा टहरा भत्काएको छ । 

बाँकी टहरा पनि क्रमशः भत्काइने मेयर राईले बताउनुभयो । सार्वजनिक सुचना प्रकाशन, सूचना टाँस एबं माइकिङ गरेर आग्रह गर्दा समेत टहरा हटाउन अटेर गरिएपछि नगरपालिकाले बल प्रयोग गर्नु परेको जनाईएको छ । 

नगरपालिकाको १० माबिमा सञ्चालित विद्यार्थी सचेतना कार्यक्रम सम्पन्न


अन्जु राई÷खोटाङ, 

फल्गुन–११,  खोटाङस्थित रुपाकोट मझुवागढी नगरपालिकाका दश वटा माध्यमिक बिद्यालयमा सञ्चालित सुरक्षित आप्रवासन सम्बन्धी बिद्यार्थी सचेतना कार्यक्रम सम्पन्न भएको छ । वैदेशिक रोजगारीलाई सुरक्षित, मर्यादित र उपलब्धीमुलक बनाउने उदेश्यले हेल्भेटास स्वीस ईन्टरकोअपरेशन नेपालको साझेदारीमा बाल सेवा समाज नेपालद्घारा गत असोजदेखि सञ्चालित उक्त कार्यक्रम सम्पन्न भएको हो ।

सुरक्षित आप्रवाशन परियोजना सामीको बिद्यालय तथा आम सञ्चार कार्यक्रम अन्तर्गत हालै सम्पन्न भएको बिद्यार्थी सचेतना कार्यक्रम नगरपालिकाको एक नम्बर वडामा रहेको दिक्तेलबजारको सरस्वती मा.बि., पाँच नम्बर लफ्याङको बास्बोटे मा.बि., सात नम्बर वडा दोर्पाको बिद्योदय मा.बि. लगायतमा सञ्चालन भएको थियो ।

सचेतना कार्यक्रम नगरपालिकाको आठ नम्बरमा पर्ने दोर्पाकै अन्नपुर्ण मा.बि. बुवालुङ्ग, ९ नौं नम्बर निर्मलीडाँडाको मनकामना जनकल्याण मा.बि., ६ नम्बर नेर्पाको कालिका मा.बि., १४ नम्बर बुइपाको जगदम्बा मा.बि., १३ नम्बरको जालपा मा.बि.नुन्थला, ३ नम्बरको साबित्रा मा.बि. बाम्राङ्ग, र १० नम्बर वडामा पर्ने सरस्वती मा.बि. पाथेकामा सञ्चालन भएको थियो ।

उक्त कार्यक्रममा कक्षा ९ र १० का बढि बिद्यार्थीको सहभागिता रहेको थियो । यी १० वटा मा.बि.का सहभागि बिद्यार्थीहरुलाई यो अन्तिम चरणको कार्यक्रममा सुरु र अन्तिम चरणमा छलफल गरिएको बिषयहरुको मुल्याङ्कन स्वरुप  वैदेशिक रोजगार सम्बन्धि हाजिरीजवाफ प्रतियोगिता गरिएको बताईएको छ ।

कार्यक्रममा सहभागी बिद्यार्थीहरुले आफ्नो परिवार तथा गाउँटोलका सम्भाबित आप्रवासीहरुलाई  दिक्तेलबजारमा सञ्चालित सुचना केन्द्रमा पठाउनका साथै सिप तामिको महत्वको बारेमा जनकारी गराउने प्रतिबद्घता जनाएका छन् । बिदेशमा भएको आफन्तहरुको कागजपत्रहरु मगाउने र जान लागेकोहरुलाई छोडेर जानको लागि सूचना दिँदै बैदेशिक रोजगार सम्बन्धि समस्याहरु भेटेमा तुरुन्त सुचना केन्द्र पठाउने सहभागी बिद्यार्थीहरुले बताएका छन् ।





पत्रकार महासंघका अध्यक्ष दमन राईलाई ‘पद्मलक्ष्मी–सावित्री बस्नेत पत्रकारिता पुरस्कार’

खोटाङ फागुन–११, पत्रकार महासंघ खोटाङका अध्यक्ष दमन राईलाई पद्मलक्ष्मी–सावित्री बस्नेत पत्रकारिता पुरस्कार प्रदान गरिने भएको छ । नागरिक दैनिक लगायत बिभिन्न सञ्चार माध्यममा आबद्घ पत्रकार राईलाई प्रेस चौतारी नेपालले उक्त पुरस्कार प्रदान गर्ने घोषणा गरेको हो । 

चौतारीले यस बर्ष घोषणा गरेकोे पाँच ओटा पत्रकारिता पुरस्कारमध्ये किरात राई पत्रकार संघ खोटाङका सल्लाहकार समेत रहनुभएको क्रियाशिल पत्रकार दमन राईलाई उक्त पुरस्कार गर्ने घोषण गरिएको हो । 

प्रेस चौतारीका महासचिव राजेश राईले बिहिबार बिज्ञप्ती जारी गरी बिभिन्न नाममा रहेका यस बर्षको पुरस्कार घोषणा गरेका हुन् । पद्मलक्ष्मी–सावित्री बस्नेत पत्रकारिता पुरस्कार दमन राई(खोटाङ), युनिकबिफा घिसिङ (रामेछाप) र रबिना बोहोरा (बागलुङ) लाई प्रदान गर्न घोषणा गरिएको छ । 

जसअनुसार हृदयचन्द्रसिंह प्रधान पत्रकारिता पुरस्कार निर्मला शर्मा, अग्नि शिखा पत्रकारिता पुरस्कार प्रमोदकुमार सिंह (दाहाल) लाई प्रदान गरिने भएको छ । यसैगरी वीरेन्द्रकुमार साह क्रियाशिल युवा पत्रकारिता पुरस्कार राजु अधिकारी (झापा), बसन्तप्रताप सिंह (बझाङ) र सुभद्रा प्याकुरेल (सुनसरी), डेकेन्द्र थापा पत्रकारिता पुरस्कार, सुशिल अर्याल (गोरखा), दिपक रिजाल (धादिङ) र मिना बुढाथोकी (सल्यान)लाई प्रदान गरिने भएको छ ।

 यसैगरी चौतारीले सातै प्रदेशमा एउटा उत्कृष्ट जिल्ला घोषणा गरेको छ । जसअनुसार प्रदेश–१ पाँचथर, प्रदेश–२ पर्सा, प्रदेश–३ मकवानपुर, प्रदेश–४ बागलुङ, प्रदेश–५ बाँके, प्रदेश–६ सुर्खेत र प्रदेश–७ बाजुरा उत्कृष्ट जिल्ला रहेका छन ।

हलेसीको अग्निपीडितलाई किरातिम्मा गायन समुहको ९ लाख सहयोग

खोटाङ फागुन–११, नेपालका चर्चित गायिकाहरुको समुह ‘राई किरातिम्मा गायन समुह’ले खोटाङ हलेसीका आगलागी पीडितलाई ९ लाख ३० रुपैयाँ राहत प्रदान गरेको छ । गत पुस १८ गते भएको आगलागीमा घर सहित सर्वस्व गुमाएका हलेसी तुवाचुङ नगरपालिका–७ महादेबस्थानका लागि समुहले सांगीतिक कार्यक्रम गरी संकलन गरेको उक्त रकम पीडितहरुलाई बिहिबार प्रदान गरिएको हो ।
 किरात राई समुदायका ११ जना चर्चिथ गायिकाहरुको समुहले पीडित व्यवसायी मगम राई, उचितबहादुर राई, अम्बराज राई, तम्बराज राईलाई जनही १ लाख ७५ हजार ५ रुपैयाँ र मगमको एक घरमा व्यवसाय गर्दै आएका उदयपुर कटारीका व्यवसायी जगदीस दासलाई १ लाख ५ रुपैयाँ राहत प्रदान गरेको हो । संकलित रकमध्ये हलेसी तुवाचुङ नगरपालिका–९ धितुङका आगलागी पीडित मित्रमान राईलाई पनि १ लाख ५ रुपैयाँ प्रदान गरिएको महादेबस्थानका वडाध्यक्ष चइन्द्र राईले बताउनुभयो ।
समुहमा गायिका पार्बती राई, सत्यकला राई, सरला राई, कला राई, बेनुका राई, राधा राई, मेनुका राई, ममता राई, निलम रोजु राई, जानुका राई र तायाहाङमा राई रहेका छन् ।

टंक राईको कविता ‘मेरो जवाफ के होला’

बैशमा अल्लारे जोवन खेलाउँदै गरेको समय
लजाउदै मुसुक्क हासेर, गालामा गुराँसे लाली छरेर
यो बाटो कहाँ जान्छ ?
यो प्रश्न, तिमीले सोधेको भए
अत्यन्त भावुक भएर जवाफ दिने थिए

सिधै मेरो दिलको मझरीमा पुग्छ ।

आन्दोलनमा जोसका साथ नारा लगाउदै गर्दाको समय
जोसका साथ मुठी उठाएर भित्रै देखि दृढ भएर
यो बाटो कहाँ जान्छ ?
यो प्रश्न तिमीले सोधेको भए
पुराका पूरा विश्वासका साथ भन्ने थिए

सिधै मानव मुक्तिको उज्यालोमा पुग्छ।

र ऐले तिमिले
यहीँ प्रश्न सोध्यौ भने

मेरो जवाफ के होला ?
तिमी आफै अन्दाज गर न है !

कवि टंक राई नेकपा माओवादी केन्द्रका सचिवालय सदस्य हुनुहुन्छ ।

केन्द्रका ३० मन्त्रालय अब हुन्छ १७ वटा

काठमाडौं ११ फागुन
संघीय सरकारमा अब बढीमा १७ वटा मन्त्रालय रहने भएका छन्। केन्द्रीकृत शासन प्रणालीअनुसार स्थापना भएका ३० वटा मन्त्रालय गाभिएर १७ वटामा सीमित हुने भएका हुन् ।

अहिले केन्द्रीय निकाय (प्रधानमन्त्री तथा मन्त्रिपरिषद् कार्यालय) बाहेक ३० वटा मन्त्रालय छन् । अब केन्द्रीय निकायसहित १८ वटा प्रमुख निकाय रहने छन् । आजको अन्नपूर्ण पोस्टमा खबर छ ।

मन्त्रालय गाभिएसँगै एक दर्जन सचिव फाजिल (जिम्मेवारीविहीन) हुने भएका छन् । जनसंख्या तथा वातावरणमन्त्री लालबाबु पण्डितले अब मन्त्रालयको संख्या बढीमा १७ वटासम्म रहने बताए । सम्भवतः अब बस्ने मन्त्रिपरिषद् बैठकले संघीय सरकारमा रहने मन्त्रालयको अन्तिम टुंगो लगाउने उनले जानकारी दिए ।

१७ वटा मन्त्रालय र तिनका कार्य, जिम्मेवारीसमेत निर्धारण गरी प्रधानमन्त्री कार्यालयले मन्त्रिपरिषद्मा अन्तिम प्रस्ताव पेस गर्ने तयारी गरेको छ । उद्योग, वाणिज्य तथा आपूर्ति मन्त्रालय गाभिएर एउटै मन्त्रालय बन्ने भएको छ ।

यसैगरी कृषि, पशु विकास र भूमिसुधार मन्त्रालय गाभिएर कृषि, सहकारी तथा भूमिव्यवस्था मन्त्रालय बन्नेछ । सिँचाइ, ऊर्जा र खानेपानी मन्त्रालय गाभिएर जलस्रोत तथा ऊर्जा मन्त्रालय बन्ने भएको छ । यसैगरी वन र वातावरण मन्त्रालय गाभिएर वन तथा वातावरण मन्त्रालय बन्ने भएको छ भने महिला, बालबालिका र श्रम तथा रोजगार मन्त्रालय पनि गाभिएको छ ।

शिक्षा, विज्ञान प्रविधि र युवा तथा खेलकुद मन्त्रालय गाभेर शिक्षा तथा विज्ञान प्रविधि र युवा खेलकुद मन्त्रालय बनाउन लागिएको छ भने संघीय मामिला, स्थानीय विकास र सामान्य प्रशासन मन्त्रालय गाभेर संघीय मामिला तथा सामान्य प्रशासन मन्त्रालय बन्ने भएको छ। विभिन्न समय बनेका सरकारले यसअघि सुरुमा १८ को संख्यामा रहेको मन्त्रालय बढाउँदै २१, २५, २७ हुँदै ३० वटासम्म पुर्‍याएका थिए ।