sponsor

समाचार

वैदेशिक समाचार

विशेष

गतिविधि

सेराेफेराे

» » रुपाकोट फटबल क्लवको प्रथम साधारणसभा सम्पन्न

माघ–४, खोटाङको रुपाकोट फटबल क्लवको प्रथम साधारणसभा सम्पन्न भएको छ । सदरमुकाम दिक्तेलमा शनिबार सम्पन्न साधारणसभाले दिलीप तामाङको अध्यक्षतामा १३ सदस्यीय नयाँ कार्यसमिति निर्माण गरेको छ । गत जेठमा मात्र स्थापना भएको फुटबल क्लवको साधारणसभाले उपाध्यक्षमा जयराम गिरी, सचिव सन्तोष जोशी, सह–सचिवमा सुचन राई र कोषाध्यक्षमा भीषण राईलाई चयन गरेको छ । राम खत्री, मिलन राई, बादल जोशी, शैलेन्द्र बजीमय, युवराज राई, कृष्णकुमार राई, जीतेन्द्र राई र श्याम पौडेल सदस्य चयन भएका छन् ।

साधारणसभाले नूरकाजी शैंजू, बिचारी तामाङ, गोपाल राई, सागर राई, भीम राई, बिनोद उदास लगायतका ९ सदस्यीय सल्लाहकार समिति चयन गरेको छ ।

स्थापना लगत्तै मनोज स्मृति खुल्ला पुरुष फुटबल प्रतियोगीता गरेको फुटबल क्लवले यस पल्ट पनि प्रतियोगीताको तयारी गरेको अध्यक्ष तामाङले जानकारी दिनुभयो । क्लवले ओखलढुंगाको रुम्जटारमा पुस–३० गते सम्पन्न प्रथम सिद्धिचरण नगर कप फुटबल प्रतियोगितामा तेश्रो स्थान प्राप्त गरेको थियो । जिल्लाकोतर्फबाट प्रतिनिधित्व गर्दै ओखलढुंगा पुगेपछि जिल्लाका सरकारी कार्यालयबाट कुनै आर्थिक सहयोग प्राप्त नभएको तामाङले गुनासो गर्नुभयो । ‘हामीले जिल्लाको नाममा ओखलढुंगा गएका हौँ, जिल्लाको नाममा पुरस्कार जित्यौँ पनि,’ उहाले भन्नुभयो, ‘हाम्रो अडाइ लाख चर्ख भयो तर, हामीलाई कसैले एक पैसा पनि सहयोग गरेको छैन ।’

यसमा तपाईको प्रतिक्रिया

«
Next
Newer Post
»
Previous
Older Post