sponsor

वैदेशिक समाचार

first_add ' width='950'/>

विशेष

first_add ' width='950'/>

गतिविधि

सेराेफेराे

» » अन्तर दलितबीचको सामाजिक विभेद अन्त्यको घोषणा

खोटाङ, असार १० । खोटाङका पाँच गाविसमा अन्तर दलितबीचको सामाजिक विभेद अन्त्यको घोषणा गरिएको छ । बतासे, राजापानी, रतन्छा, याम्खा र कुभिन्डमा दलित–दलितबीचमा हुँदै आएको जातीय बिभेद अन्त्या भएको घोषणा गरिएको हो ।

‘नेपालमा जातीय भेदभाव तथा छुवाछुत अन्त्याको लागि सुढृड पहल’ परियोजनाको पहलमा पाँच गाबिसमा एक दलित र अर्को दलितबीचमा हुँदैआएको भेदभाव टुंग्याइएको नेपाल दलित राष्ट्रिय समाज कल्याण संघ खोटाङका अध्यक्ष चर्च बिश्वकर्माले बताए । 

१५ महिने परियोजनाले सञ्चालन गरेको कार्यक्रमका बिषयमा जानकारी दिन बिहिबार आयोजित कार्यक्रममा पाँच गाबिसमा दलित–दलितबीचको छुवाछुत अन्त्या भएको घोषणा गरिएको छ । ‘एक दलित जाती र अर्को दलित जातीबीच पहिल्यैदेखि सामाजिक भेदभाव थियो,’ अध्यक्ष बिश्वकर्माले भने, ‘जिल्लाका पाँच गाबिसबाट यो बिभेदलाई हटाउने प्रयास सफल भएको छ ।’ 

‘मानव सबै समान हुन्’ भन्ने धारणाको बिकास गरिएपछि क्रमशः जातीय बिभेद हट्दैगएको संघले जनाएको छ । जातीयरुपमा भेदभाव गर्ने दलित समुदायबीचमा अहिले खानपान र बसोबासमा समानता आएको अध्यक्ष बिश्वकर्माले जनाए । 

परियोजनाले मानव अधिकार र अबिभेदका बिषयमा विद्यालय तहमा सचेतना कक्षा, व्यवहार परिवर्तन अभियान, अन्तरजातीय बिवाह गर्ने जोडीहरुको पुःर्नएकीकरण, जातीय भेदभाव तथा छुवाछुत अन्त्याकालागि ऐक्यवद्धता सभा लगायतका ७१ कार्यक्रम गरेको जानकारी दिएको छ ।

यसमा तपाईको प्रतिक्रिया

«
Next
Newer Post
»
Previous
Older Post