sponsor

समाचार

वैदेशिक समाचार

विशेष

गतिविधि

सेराेफेराे

» » क्यान्सर पिडितलाई मलेसियाबाट सहयोग

खोटाङ, असार २४ । खोटाङको नुनलथा–९ का क्यान्सर पिडित यामबीर तामाङको सहयोगार्थ मलेसियामा आर्थिक संकलन सुरु गरिएको छ । आवश्यक रकमको अभावमा क्यान्सरको उपचार गराउन नसकेका पिडित तामाङको सहयोगकालागि मलेसियामा सहयोग रकम जुटाउन सुरु गरिएको हो ।

 रोजगारीको सिलसिलामा मलेसिया पुगेका नेपाली क्यान्सरको उपचारकालागि कामदारबाट सहयोग रकम उठाउने काम थालिएको मलेसियाबाट चिसाङ शेर्पाले जानकारी दिए । दाहिने खुट्टामा क्यान्सर भएपछि उपचार गराइरहेका २६ वर्षीय तामाङलाई यसअघि खोटाङ सेवा समाज दोहा कतारले पनि ६५ हजार सहयोग पठाएको थियो । 

तामाङको घुँडाको बोन क्यान्सरको अप्रेसन गर्न र किमोथेरापी गराउन उनलाई थप छ लाख खर्चको आवश्यकता परेको खबर सुनेपछि मलेसियामा पनि सहयोग संकलन अभियान थालिएको शेर्पाले जनाए । निम्न आर्थिकस्तर भएका तामाङको डेढ वर्षदेखि भक्तपुर क्यान्सर अस्पतालमा उपचार भइरहेको छ । आवश्यक खर्चको अभावमा उनको खुट्टाको अप्रेसन हुन सकेको छैन । रोगको पहिचान गर्न र निदानकाक्रममा डेढ वर्षको अवधिमा ९ लाख खर्च भइसकेको तामाङ परिवारको भनाई छ । 

बुढेसकालका आमाबाबु, श्रीमती र दुई बच्चाको एक्लो साहराकारुपमा रहेका तामाङ क्यान्सरले थलिएपछि परिवारको बिचल्नी भएको छ । लामो समयसम्म विद्यालयमा अनुपस्थित भएका कारण तामाङको शिक्षण पेशा समेत गुमेको परिवारले बताएका छन् । सुरुमा उनको दायाँ खुट्टा सुन्निने र दुख्ने समस्या देखा परेको थियो । उपचारकालागि बिभिन्न अस्पतालमा धाउँदा समस्या पत्ता नलागेपछि उनी पाटन अस्पताल पुगे । पाटन अस्पतालले रोगको पहिचान नै नगरी खुट्टा काट्नुपर्ने बताएपछि भक्तपुर क्यान्सर अस्पताल पुगेको तामाङ बताउँछन् । ‘पाटन अस्पतालमा खुट्टा काट्नुपर्छ भनेपछि डिस्चार्ज लिएर भक्तपुर क्यान्सर अस्पताल पुगेँ,’ तामाङले भने, ‘त्यहाँ पुगेपछि थाहा भयो बोन क्यान्सर भएको रहेछ ।’ 

हाल उनको खुट्टामा बोन सिमेन्ट राखिएको छ । अस्पतालका अनुशार उनको घुँडाको तत्काल अप्रेसन गरेर नक्कली खुट्टा राख्नुपर्ने अवस्था छ । आम्दानीको स्रोत नभएका कारण अप्रेसन खर्चकालागि क्यान्सर पिडित तामाङले सहयोगको अपिल गरेका छन् । ‘आम्दानीको श्रोत शिक्षण पेशा थियो, बिरामी भएपछि त्यो पनि टुटेको छ,’ उनले भने, ‘अव तपाईहरुको साथ पाएँ भने मात्र बाँच्न सक्छु ।’ 

यसमा तपाईको प्रतिक्रिया

«
Next
Newer Post
»
Previous
Older Post