sponsor

समाचार

वैदेशिक समाचार

विशेष

गतिविधि

सेराेफेराे

» » » चिराइतो खेतीप्रति कृषकहरु आकर्षित

साउन–३०, जिल्लाका कृषकहरु चिराइतो खेतीप्रति आकर्षित भएका छन् । अन्य बालीभन्दा कम झन्झटिलो र थोरै समयमै राम्रो मुल्य पाउने भएपछि उनीहरु यसप्रति आकर्षित भएका हुन् । 

घरैबाट प्रतिकिलो सात सयदेखि एक हजार रुपैयाँसम्ममा बिक्री हुने चिराइतो खेती प्रवद्र्धनका लागि विभिन्न दातृ निकायले समेत आर्थिक तथा प्राविधिक सहयोग गर्दै आएको छ । सैद्धान्तिक र प्राविधिक सीपका बारेमा जानकारी पाएपछि चिराइतो खेती गर्ने कृषकहरुको संख्या जिल्लामा ह्वात्तै बढेको हो । 

जिल्लाको उत्तरपूर्वी क्षेत्रमा पर्ने पाथेका, खार्मी, फेदी, खार्ताम्छा, बाकाचोल, ऐसेलुखर्क, माक्पा लगायतका कृषकहरु यतिखेर चिराइतोको दल राख्न व्यस्त छन् । मेरुङ कृषि सहकारी संस्था र मेरुङ समाज नेपालको पहलमा पाथेका र फेदीको लेकाली भेगका कृषकहरुले व्यवसायिक रुपमै चिराइतो खेती सुरु गरेका छन् । 

जडीबुटीका रुपमा प्रयोग हुने चिराइतो खेतीको सम्भाव्यता अध्ययनपछि सामुहिकरुपमा खेती गर्न थालिएको मेरुङ समाज नेपालका अध्यक्ष बम बानियाँले बताउनुभयो । “लेकाली क्षेत्रमा पर्ने बाँझो जग्गालाई उपयोग गर्दै कृषकहरुको जीवनस्तर उकास्ने उद्देश्यले व्यवसायिक रुपमै चिराइतो खेती सुरु गरिएको हो ।” उहाँले भन्नुभयो, “जङ्गली जनावरले दुःख नदिने भएकाले पनि चिराइतो खेती सुरु गरेका हौं ।” 

जिल्लामा उत्पादित चिराइतो धनकुटा, धरान, बिराटनगर, भारत लगायतका ठाउँहरुमा निर्यात हुने गरेको छ । सम्बन्धित बिक्री केन्द्रमा पु¥याउँदा राम्रो मूल्य पाउने भएपछि लेकाली क्षेत्रका कृषकहरु यसप्रति आकर्षित भएको अध्यक्ष बानियाँको भनाइ छ ।

यसमा तपाईको प्रतिक्रिया

«
Next
Newer Post
»
Previous
Older Post