sponsor

समाचार

वैदेशिक समाचार

विशेष

गतिविधि

सेराेफेराे

राष्ट्रिय समाचार

» » » » कन्सर्टबाट अपांगका लागि ८७ हजार संकलन

खोटाङ, कार्तिक २३ । अपांगता भएका व्यक्तीको सहयोगार्थ खोटाङमा सञ्चालन गरिएको सांगीतिक कन्सर्टबाट ८० हजारभन्दा बढि सहयोग रकम संकलन भएको छ । अपांगता भएका किशोरकिशोरीद्धारा सञ्चालित पुर्वेली सरगम संगीत बिद्यालयको सहयोगार्थ सदरमुकाम दिक्तेलमा सञ्चालन गरिएको सांगीतिक कन्सर्टबाट ८७ हजार ३११ रुपैयाँ सहयोग जुटेको हो ।
कन्सर्टमा दर्शक नचाउँदै  र्याफ्सोडी नेपाल व्याण्डका कलाकारहरु ।
संगीत बिद्यालयको सहयोगार्थ दिक्तेलबजारका युवाले बिहिबार पूरानो बेसक्याम्पमा ‘ओपन’ कन्सर्ट र शुक्रबार साँझ जिबिसको समिक्षालयहलमा ‘इन्डोर’ कन्सर्टको आयोजना गरेको थियो । कार्यक्रममा राखिएको ‘दान बाकस’मा स्वतःस्फुर्तरुपमा संकलन भएको सहयोग रकम औपचारिक कार्यक्रममार्फत संगीत बिद्यालयलाई हस्तान्तरण गरिने आयोजक समितिका सदस्य पेम्बा तामाङले बताए । 

सांगीतिक कन्सर्टमा ¥याफ्सोडी नेपाल व्याण्डका कलारकार, नेपाल ताराको टप फोर प्रताप दास, खोटाङका गायक प्रदीप राई, अनिल राई लगायत स्वयं पुर्वेली सरगम संगीत बिद्यालयका कलाकारको प्रस्तुतीले चिसो मौसममा पनि दर्शकलाई तताएको थियो । अगाडि ‘दान बाकस राखेर’ पहिलो दिन सडकबीचमै सांगीतिक कन्सर्ट देखाएको आयोजकले दोश्रो दिन समिक्षालय हलमा इन्डोर कन्सर्ट देखाएको हो । दुबै दिनको कार्यक्रम राती ८ बजेसम्म जारी राखिएको थियो । 

सोही संगीत बिद्यालयको व्यवस्थापन सहयोगार्थ आउँदो तिहारमा देउसीभैली खेल्ने तयारी गरिएको कार्यक्रमका संयोजक सुचन राईले बताए । ‘अपांग भाईबहिनीको संगीत बिद्यालयकालागि सांगीतिक कन्सर्टबाट केही रकम जुटाउन सफल भएका छौँ,’ कार्यक्रम संयोजक राईले भने, ‘सहयोग रकम उठाउने कामलाई तिहारमा देउसीभैली खेलेर पनि निरन्तरता दिने छौँ ।’ 

यसमा तपाईको प्रतिक्रिया

«
Next
Newer Post
»
Previous
Older Post