sponsor

समाचार

वैदेशिक समाचार

विशेष

गतिविधि

सेराेफेराे

» » ट्यूमरले मुखै बन्द भएकी रेबिकालाई उपचार खर्च जुट्दै

खोटाङ, २३ बैसाख । ट्यूमर बढ्दा मुखै बन्द भएकी खोटाङको बाँझेच्यानडाँडा–८ की १४ वर्षीय रेबिका राईको उपचारकालागि साँढे पाँच लाखभन्दा बढि सहयोग जुटेको छ ।

हाल काठ्माण्डौं बुढानिलकण्ठ बस्दैआएकी रेबिकाको ट्यूमरको उपचारकालागि शुभेच्छुकबाट उपचार खर्च जुट्नेक्रम बढेको छ । बढ्दैगएको ट्यूमरका कारण बोल्न, खाना खान र हाँस्नै नहुने अवस्थामा पुगेकी रेबिकाको उपचारकालागि बुधबार ५ लाख ६० हजार १०७ रुपैयाँ प्राप्त भएको छ । शुभेच्छुक श्रवण बम्जनको संयोजनमा देश र बिदेशबाट संकलन भएको ४ लाख ४८ हजार ९९२ रुपैयाँ बुधबार रेबिकाको बुवा काशीनाथ र आमा सन्ध्या राईलाई हस्तान्तरण गरिएको छ । कुबेत, अमेरिका, दक्षिण कोरिया, कतार, हङकङ, नेदरल्याण्ड, यूएइ र काण्डमाण्डौंबासी नेपालीबाट संकलन गरिएको रकम रेबिका परिवारलाई प्रदान गरिएको बम्जनले बताए ।

यस्तै, तेज राईको संयोजनमा संकलन भएको १ लाख ११ हजार ११५ रुपैयाँ बुधबार नै राई परिवारलाई प्राप्त भएको छ । मलेसियाबाट समेत केही सहयोग प्राप्त भएको रेबिकाकी बुवा कासीनाथले बताए । रेबिकाको उपचारकालागि सहयोग जुट्नेक्रम जारी छ । रेबिकाको ट्यूमरको उपचार अभावका विषयमा पत्रपत्रिकामा समाचार प्रकाशन भएको थियो । रेबिकाको चौथो पटकको उपचारकालागि बुधबार भारतको कलकत्तातर्फ लगिएको छ ।
ट्यूमर बढेर मुख बन्द भएकी रेबिकालाई संकलित रकम प्रदान गर्दै तेज राई ।
तस्बिरः तेज राईको फेसबुक

रेबिकाकोसाथमा आमा सन्ध्या र घरबेटी एलिसा कार्की कलकत्ता गएका छन् । माथिल्लो दाँत अडिने हाड र गीँजाको ट्यूमरले बढेर ठूलो आकार लिएपछि रेबिकाले कष्टपूर्ण दिन बिताइरहेकी छन् । तीन पटकसम्म अप्रेसन गर्दापनि रेबिकाको ट्यूमर ठीक नभएपछि कलकत्ता लगिएको हो । बुवा कासीनाथ रोजगारीका सिलसिलामा २६ वर्षअघि नै काठ्माण्डौं बस्न थालेका हुन् । काठ्माण्डौं बसाइकैक्रममा बिवाह गरेका उनका दुई छोरी र एक छोरा छन् । रेबीका घरकी कान्छी छोरी हुन् । रेबिका हाल बुढानिलकण्ठ हाइस्कुलमा पढ्छिन् । रोगकै कारण उनी यसपल्टको एसएलसि दिनबाट समेत बञ्चित भएकी छन् । ५ वर्षको छँदै रेबिकालाई ट्यूमर भएको पत्ता लागेको हो । नुहाएपछि मावली हजुरमाले शरीरमा तेल घस्नेक्रममा पहिलोपल्ट उनको शरीरमा भएको ट्यूमर फेला परेको हो । फैलिएको ट्यूमरलाई थोरै ठक्कर परेपनि रगत बग्ने समस्य छ ।

रेबिकाको पहिलो अप्रेशन ५ वर्षकै उमेरमा गरिएको हो । त्यस यता दुई/दुई वर्षको फरकमा अप्रेशन गरेर ट्यूमर खुर्केर निकालिएको थियो । अप्रेसन गरेको केही वर्षसम्म रोग निको भएपनि पुःन बल्झिने गरेको छ । दैनिक मजदुरी काम गरेर परिवार धान्दैआएका उनले छोरीको उपचारमा हालसम्म १६ लाखभन्दा बढि रकम खर्च गरिसकेका छन् । काठ्माण्डौं बसाइकाक्रममा सेक्यूरिटी गार्ड, ज्यामी लगायतका काम गरेर जोगाएको पैसा उपचारमै सकिएको छ । त्यसले नपुगेर ऋणको भार समेत थपिएको छ ।

अस्पतालमा लाग्ने रकम बुझाउन आफ्नो आर्थिकस्तरले नभ्याउने भएकाले राई परिवारले शुभेच्छुक समक्ष सहयोगको याचना गरेका छन् ।

यसमा तपाईको प्रतिक्रिया

«
Next
Newer Post
»
Previous
Older Post