sponsor

समाचार

वैदेशिक समाचार

विशेष

गतिविधि

सेराेफेराे

» » » स्ववियू निर्वाचन हुन सकेन

खोटाङ, १९ फागुन । खोटाङका सबै क्याम्पसमा स्ववियु निर्वाचन हुन सकेन । जिल्लाका ६ वटा क्याम्पसमध्ये खोटाङ क्याम्पस खोटाङबजार, रावा क्याम्पस खार्पा, सिमपानी क्याम्पस सिमपानी, हलेसी क्याम्पस हलेसी र साकेला क्याम्पस रतन्छामा स्वबियु निर्वाचन हुन नसकेको हो । 

दिक्तेल बहुमुखी क्याम्पसमा भने वैसाख ४ गते निर्वाचनको तयारी गरिएको छ । बिद्यार्थी संगठनको द्धन्द्धका कारण दुई क्याम्पसमा ताला लागेको छ । 

क्याम्पस प्रशासनले मनोमानी ढंगले निर्वाचन प्रकृया अघि बढाएको आरोप लगाउँदै संघीय समाजबादी बिद्यार्थी फोरमले मंगलबार खोटाङ क्याम्पस खोटाङबजारमा ताला लगाउँदा निर्वाचन प्रकृया बिवादित बनेको छ । यस्तै, निर्वाचन समितिको प्रकृयामाथि विरोध जनाउँदै नेबिसंघ, अनेरास्वबियु क्रान्तीकारी र समाजबादी विद्यार्थी फोरमले सिमपानी क्याम्पसमा मंगलबार ताला लगाउँदा निर्वाचन प्रकृया रोकिएको छ । 

विद्यार्थी संगठनबीचको द्धन्द्धका कारण खार्पा क्याम्पस खार्पाका निर्वाचन समितिले मंगलबार संयुक्त राजीनामा दिएपछि क्याम्पस प्रशासनले अर्को व्यवस्था नभएसम्मका लागि निर्वाचन सम्बन्धीका काम रोकेको जनाएको छ । साकेला क्याम्पस रतन्छा र हलेसी क्याम्पस हलेसीमा भने स्ववियु निर्वाचन सम्बन्धी प्रकृया अघि नै बढाइएको छैन । 

यसमा तपाईको प्रतिक्रिया

«
Next
Newer Post
»
Previous
Older Post