sponsor

समाचार

वैदेशिक समाचार

विशेष

गतिविधि

सेराेफेराे

राष्ट्रिय समाचार

» » » अहेवको जागिर लगाइ दिन्छु भन्दै तेह्र जनाबाट घुस लिने नासु पक्राउ

खोटाङ, १७ वैशाख । अहेवको जागिर लगाइ दिन्छु भन्दै घुस लिने जिल्ला अस्पताल खोटाङका नायब सुब्बा पक्राउ परेका छन् । अस्थायी करारमा अहेवको जागिर खान फारम भरेका १३ जना आवेदकबाट प्रति व्यक्ति रु ३५ हजारका दरले घुस लिने अस्पतालका नायब सुब्बा केदारनाथ खनाल आइतबार पक्राउ परेका हुन् । 

अस्पताल परिसरबाटै पक्राउ परेका नासु खनाललाई जिल्ला प्रहरी कार्यालय खोटाङका प्रहरी टोलीले नियन्त्रणमा लिएर जिल्ला प्रशासनमा बुझाएको छ । खनालले आवेदकबाट आफूले घुस लिएको स्कीकार गर्दै तत्काल साँवाब्याज फिर्ता दिने बताएका छन् । 

पक्राउ परेका खनालको बारेमा थप अनुसन्धान भइरहेको प्रमुख जिल्ला अधिकारी प्रल्हाद पोखरेलले बताउनुभयो । “उनले कमजोरी गरेकै भन्ने बुझिएको छ ।” उहाँले भन्नुभयो, “छानविन गरेर कारबाहीको प्रक्रिया बगाडि बढाउछु ।”

नासु खानलले आवेदकबाट घुस लिएको थाहा पाएपछि नेपाली काँग्रेस खोटाङले अस्पतालमा तालाबन्दी गरेको छ । भ्रष्टचारीलाई कारबाहीको दायरामा ल्याउन माग गर्दै काँग्रेसले आइतबार बिहानैदेखि अस्पतालमा तालाबन्दी गरेको हो ।

पूर्वाञ्चल क्षेत्रीय स्वास्थ्य सेवा निर्देशनालय धनकुटाले गत माघमा खोटाङका लागि ३० जना अहेवको अस्थायी करार कोटा खुलाएको थियो । नासु खनालले घुस लिएका व्यक्ति कोही पनि नपरेपछि उक्त विषय बाहिर आएको थियो । 

तीस वर्ष लामो अवधिसम्म सेवा गरेका नासु खनाल यसै वर्ष अधिकृतको बढुवा लाईनमा रहेका अस्पताल स्रोतले जनाएको छ । दुई वर्ष मात्र सेवा अवधि रहेका खनालको उक्त काण्डले जागिरसमेत धरापमा परेको छ । 

यसमा तपाईको प्रतिक्रिया

«
Next
Newer Post
»
Previous
Older Post