sponsor

समाचार

वैदेशिक समाचार

विशेष

गतिविधि

सेराेफेराे

राष्ट्रिय समाचार

» » सुस्ताबासी जम्मा भए भारतीय बाँध भत्काउन, कुलो खनेपछि प्रशासनले रोक्यो

परासी २ भदौ
भारतले बनाएको बाँधका कारण डुबानले पीडित सुस्ताबासी आफैं सक्रिय भएर बाँध भत्काउन लागि परेका छन् ।

गण्डक नहरमा भारतले बनाएको एकतर्फी बाँधले डु्बान भएपछि बाँध भत्काउन पुगेका सुस्ताबासीलाइ प्रशासनले रोकेपछि उद्देश्य पूरा गर्न भने पाएनन् ।

भारतले बनाएको बाँध भत्काएर पानीको निकास दिने भन्दै सुस्ताबासी २ सय संख्यामा उपस्थित भएर नहरको बाँध भत्काउन पुगेका थिए । तर, स्थानीय प्रशासनले भारतीय पक्षसँग कुरा गर्ने भन्दै रोकेपछि उनीहरुको उद्देश्य पूरा हुन नसकेको हो ।

सुस्ताबासीले करिब १० मिटर लामो र कुलो समेत खनि सकेका थिए । त्यसपछि बाँध भत्काउन भने प्रशासनले राेकेकाे थियाे ।

गण्डक जलविद्युत आयोजनाका लागि पानी ल्याउन नहर बनाइएको छ । उक्त स्थानमा विद्युत उत्पादनपछि भारतले पानीलाई सिंचाईका लागि बाँध बाधेर लगेको छ । सुस्ताबासीले भने बाँधकै कारण डुबान भएको बताउँदै आएका छन् ।

हालै अविरल वर्षापछि आएको बाढीका कारण नवलपरासीको सुस्ता १ र २ डुवानमा परेको थियो । 

 बिहीबार स्थानीयले नहरको बाँध नै भत्काउन खोजेपछि बसेको नेपाल र भारतका अधिकारीहरुको बैठकमा दुवै पक्ष तीन दिनभित्र समस्या समाधान गर्न तयार भएको बताइएको छ । बैठकहरुमा भारतीय पक्षले सहमति जनाएपनि कार्यान्वयन पक्ष भने कमै मात्र हुने गरेको छ ।

यसमा तपाईको प्रतिक्रिया

«
Next
Newer Post
»
Previous
Older Post