sponsor

समाचार

वैदेशिक समाचार

विशेष

गतिविधि

सेराेफेराे

राष्ट्रिय समाचार

» » धार्मिक तथा पर्यटकीय नगरपालिका हलेसी तुवाचुङको बजेट ४२ करोड



केदार मगर,खोटाङ 
भदौ–३१, खोटाङको धार्मिक, पर्यटकीय तथा ऐतिहासिक हलेसी महादेवस्थान रहेको हलेसी तुवाचुङ नगरपालिकाका लागि ४१ करोड बढीको बजेट, नीति तथा कार्यक्रम पारित भएको छ । होटल हलेसी भिलेजमा शनिबार आयोजित प्रथम नगरसभाले उक्त नगरको लागि ४१ करोड २९ लाख ४८ हजार १ सय १० रुपैयाँ बराबरको बजेट, नीति तथा कार्यक्रम पारित गरेको हो ।
त्रिधार्मिक स्थलका रुपमा परिचित हलेसी नगरपालिकाका लागि वित्तीय समानीकरण निशर्त अनुदानतर्फ २३ करोड ३५ लाख ३९ हजार र नेपाल सरकारको सशर्त अनुदानतर्फ १५ करोड ३६ लाख ४० हजार बजेट नगरसभाले पारित गरेको कार्यकारी अधिकृत अनिल किरातीले जानकारी दिनुभयो । मेयर इवन राईद्वारा पेश भएको बजेटमा निशर्त अनुदानतर्फको ७५ प्रतिशत रकम अर्थात १७ करोड ५१ लाख ५४ हजार २ सय ५० रुपैयाँ, पुँजीगततर्फ तथा निशर्त तर्फको २५ प्रतिशत अर्थात ५ करोड ८३ लाख ८४ हजार ७५० रुपैयाँ बजेट चालुका लागि बजेट विनियोजन गरिएको नगरपालिकाले जनाएको छ ।
पुँजीगततर्फको १७ करोड ५१ लाख ५४ हजार २५० मध्ये नगरयोजनाका लागि १० करोड २५ लाख ३५ हजार ८०, ११ वडाका लागि ५ करोड ६ लाख १३ हजार, समपुरक कोषका लागि एक करोड ५० लाख, विपद व्यवस्थापनतर्फ ३५ लाख ३ हजार ८५, कन्टिन्जेन्सी बजेटका लागि ३५ लाख ३ हजार ८५ रुपैयाँ विनियोजन गरिएको छ । यस्तै, सशर्त बजेटमध्ये शिक्षा शाखाका लागि १३ करोड ६३ लाख २ हजार, जनस्वास्थ्य सेवा शाखाका लागि एक करोड २४ लाख ५ हजार, आयुर्वेद स्वास्थ्य शाखाका लागि १८ लाख ५४ हजार, कृषि विभागतर्फ १६ लाख र पशुसेवा विभागतर्फ १४ लाख ७९ हजार रुपैयाँ आएको नगरपालिकाले जनाएको छ ।


यसमा तपाईको प्रतिक्रिया

«
Next
Newer Post
»
Previous
Older Post