sponsor

समाचार

वैदेशिक समाचार

विशेष

गतिविधि

सेराेफेराे

» » » गाउँ चाहार्दै बाम गठबन्धन

खोटाङ कात्तिक–१७, खोटाङमा अधिकांश राजनीतिक दलका नेता, कार्यकर्ता तथा उम्मेदवार प्रदेशसभा र प्रतिनिधिसभाको निर्वाचनमा सम्वन्धी गतिविधिमा व्यस्त छन् । बाम गठबन्धन अन्तरगत प्रतिनिधिसभा सदस्यका उम्मेद्वार एमालेका बिशाल भट्टराईको कार्तिक १२ गते बाहुनीडाँडाबाट सुरु भएको चुनावीसभा मात्तिममा पुगेको छ । 
मात्तिममा शुक्रबार प्रतिनिधिसभा सदस्यका उम्मेद्वार भट्टराई र वाम गठबन्धनका प्रदेशसभा (ख)बाट उम्मेद्वार बनेका माओबादीका रामकुमार राईको संयुक्त चुनावी कार्यक्रम सम्पन्न भएको एमाले खोटाङका उपसचिव कुमार आचार्यले बताए ।
कार्यक्रममा उम्मेद्वारद्वय बिशाल भट्टराई, रामकुमार राई, पुर्वसभाषद उषाकला राई, अस्मिता कार्की, एमाले अध्यक्ष बबी चाम्लिङ, उपाध्यक्ष राम दंगाल, सचिव देवबिक्रम राई, युवा संघका केन्द्रीय उपाध्यक्ष रमेश पौडेल लगायतले सम्बोधन गरेका छन् । प्रदेशसभा (ख)बाट उम्मेद्वार बनेका राईको चुनावी अभियान कार्तिक १३ गते बराहपोखरीबाट सुरु भएको थियो । 
यस्तै, प्रदेशसभा (क) बाट उम्मेद्वार बनेका एमालेका राजन राईको कार्तिक १३ गते हलेसी र कुभिन्डेबाट सुरु भएको अभियान शुक्रबार बाकाचोल र जलेश्वरी पुगेको छ । दुबै ठाउँमा भएको चुनावीसभालाई उम्मेद्वार राजन राई, पुर्वसभाषद दुर्गाजयन्ती राई, माओबादी नेता सुरेश राई, जीवन गिरी लगायतले सम्बोधन गरेको क्षेत्र नम्बर १ का निर्वाचन परिचालन कमिटिका उपसंयोजक सुरेन्द्रकुमार राईले बताए । एमालेले बाकाचोलमा लाखबहादुर राईको संयोजकत्वमा ५१ सदस्यीय र जलेश्वरीमा नैन राईको संयोजकत्वमा १ सय १ सदस्यीय निर्वाचन परिचालन कमिटि गठन गरिएको छ । 
जिल्लामा क्रियाशील नेपाली कांग्रेस, संङ्घीय समाजबादी फोरम नेपाल, नेकपा माले र नयाँ शक्तिका उम्मेदवारलाई जिताउन उक्त दलहरु लागि परेका छन् ।  

यसमा तपाईको प्रतिक्रिया

«
Next
Newer Post
»
Previous
Older Post