sponsor

समाचार

वैदेशिक समाचार

विशेष

गतिविधि

सेराेफेराे

» » ‘सम्बृद्ध खोटाङ सुखी खोटाङ’ वाम गठबन्धनको प्रतिवद्धता

खोटाङ, मंसिर–७, खोटाङमा एमाले र माओबादी केन्द्रको गठबन्धन ‘सम्बृद्ध खोटाङ सुखी खोटाङ’को नारा साकार पार्ने योजना सहितको प्रतिवद्धता–पत्र लिएर मतदाताको घरदैलोमा पुगेका छन् । एमाले र माओबादी केन्द्रको गठबन्धनका उम्मेदवार जिल्लाको सडक, शिक्षा, स्वास्थ्य, कृषि, पर्यटन खानेपानी लगायतको बिकासलाई प्राथमिकतामा राखेर ‘सम्बृद्ध खोटाङ सुखी खोटाङ’को सपना पूरा गर्ने प्रतिवद्धता लिएर चुनावी अभियानमा उत्रिएका हुन ।
 वाम गठबन्धनका तर्फबाट प्रतिनिधिसभा सदस्यका उम्मेदवार बनेका एमालेका बिशाल भट्टराई, प्रदेशसभा (क)का उम्मेदवार एमालेका राजन राई र प्रदेशसभा (ख)का माओबादी केन्द्रका रामकुमार राईले जिल्लामा संयुक्त प्रतिवद्धता–पत्र बनाएर घरदैलोमा निस्किएका हुन् । बिकास, सम्बृद्धि, सामाजिक न्याय, स्थायी सरकारमार्फत समाजबादी आधार स्थापना गर्ने वाम गठबन्धनको प्रतिवद्धता–पत्रमा उल्लेख छ । 
वाम गठबन्धनले मध्यपहाडी लोकमार्ग कालोपत्रे, सहायक मार्गको स्तरोन्नती, सवै वडालाई सडक सञ्जालमा जोड्ने, भोजपुरको दिंलादेखि टेम्के–चखेवा हुँदै मैयूँ खोटाङदेखि पश्चिम ओखलढुंगा हुँदै काठमाण्डौं जोड्ने द्रुत मार्ग निर्माण, तापखोला, रावा खोला, दुधकोसीको किनारै किनार हुँदै जयरामसम्मको छोटो सडक विस्तार गर्ने, धार्मिक तथा पर्यटकीय क्षेत्रलाई ध्यानमा राखेर सडक निर्माण गर्ने, सुनकोसीको फोक्सिङटार, धाप्लाङ, साप्सु खोला, तावा खोला, तापखोला, रावा खोला लगायतका नदी तथा खोलामा मोटरेबल पुल एबं झोलुंगे पुल निर्माण गर्ने प्रतिवद्धता सार्वजनिक गरेको छ । 
यस्तै, हरेक गाउँपालिकामा प्राबिधिक शिक्षालय स्थापना, बालबालिकाका लागि रहेक वडामा बाल उद्यान निर्माण गर्ने, फरक क्षमता भएका बालबालिकालाई उचित शिक्षाको व्यवस्था, बाल तथा फरकक्षमतामैत्री शौचालय र पुस्तकालयको व्यवस्था, किरात बिश्वबिद्यालय स्थापनाकालागि पहल, ऐच्छिक विषयकारुपमा मातृभाषा पठन–पाठनको व्यवस्था गर्ने प्रतिवद्धता–पत्रमा उल्लेख छ । 
कृषि पेशाको आधुनिकीकरण गर्दै अर्गानिक कृषिमा जोड, कृषिजन्य उत्पादनको बजारीकरण र कृषि पर्यटन प्रवद्र्धन, कृषि क्षेत्रमा लगानीको सुनिश्चितताका लागि कृषि विमाको व्यवस्था मिलाउने, पशु बिकासमा जोड दिन नश्ल सुधार र पशुबिमा कार्यक्रम कार्यान्वयन गर्ने, माटो परिक्षणका आधारमा कृषि पकेट क्षेत्रको आधारमा कृषिलाई व्यवस्थित गर्ने, कुलो नहर निर्माण गर्ने खेतीयोग्य जमिनमा सिँचाई सुविधाको सुनिश्चतता गर्ने वाम गठबन्धनले जनाएको छ । 
यस्तै, त्रि–धार्मिकस्थल हलेसी, तुवाचुङ, रुपाकोट, टेम्के, मैयूँ, चिलिमढुंगा, रुपाकोट, मझुवागढी, भुलभुले, साप्सुधाप, मेरुङ, जन्तेढुंगा, बराहपोखरी, हुम्मापोखरी, भानुमती, मुलडाँडा, रोक्सिङभञ्ज्याङ लगायतका धार्मिक तथा पर्यटकीय स्थलको गुरुयोजना निर्माण गरेर विकास र प्रवद्र्धन गर्ने, रावाबेँसीलाई कृषि पर्यटकीय नगरीकोरुपमा बिकास गर्ने, हरेक वडामा दक्ष जनशक्तीसहितको सुविधा सम्पन्न स्वास्थ्य सेवाको प्रवन्ध, स्वास्थ्य बीमा कार्यान्वयन, साना तथा ठूला विद्युत आयोजनालाई मिनिग्रिडमार्फत केन्द्रीय प्रशारणमा जोड्ने, घर–घरमा पानीको व्यवस्थाका लागि मुहान संरक्षण र अपूरा योजना पूरा गर्ने, वन वाताबरण प्राकृतिक श्रोत र सम्पदाको संरक्षण गर्ने, युवालाई रोजगारको अवशर सिर्जना गर्ने वाम गठबन्धनको प्रतिवद्धता–पत्रमा उल्लेख छ । 

यसमा तपाईको प्रतिक्रिया

«
Next
Newer Post
»
Previous
Older Post