sponsor

वैदेशिक समाचार

विशेष

गतिविधि

सेराेफेराे

» » » ‘दिगो आम्दानीमा रेमिट्यान्सको लगानी नै वैदेशिक रोजगार ब्यवस्थापनको बाटो !’

खोटाङ पुस–१६, वैदेशिक रोजगारीबाट आएको रेमिट्यान्सलाई दीगो आयमुलक क्षेत्रमा लगानी गर्दै वैदेशिक रोजगारीको उचित ब्यवस्थापनमा लाग्नुपर्ने खोटाङका स्थानीयको धारणा छ । जिल्लाको साकेला गाउँपालिकामा आईतबार आयोजित सुरक्षित वैदेशिक रोजगार सम्बन्धी अन्र्तक्रिया कार्यक्रममा सहभागी स्थानीयले  रेमिट्यान्सलाई सही ढंगले लगानी गर्दै पछिल्लो पुस्तालाई स्वदेशमै रोजगारीको सिर्जना गर्नुपर्ने आवश्यक्ता रहेको धारणा राखेका हुन् । 
वैदेशिक रोजगारीलाई सुरक्षित, मर्यादित तथा उपलब्धीमुलक बनाउने उदेश्यले सुरक्षित आप्रवासन परियोजनाको साझेदार संस्था बालसेवा समाज नेपाल नेर्पाले आयोजना गरेको कार्यक्रममा वैदेशिक रोजगारीबाट भित्रिएको रेमिट्यान्सले गरिबी न्युनिकरण अर्थात देशको आर्थिक बिकासमा महत्वपूर्ण योगदान पु¥याएको बताईएको छ । गाउँ कार्यपालिकाका निर्बाचित जनप्रतिनिधि तथा कर्मचारी, परियोजना सम्बद्घ संस्थाका पदाधिकारी एबम कर्मचारी, पत्रकार लगायतबीचमा सम्पन्न अन्र्तक्रियामा बिना सीप, तालिम तथा बिना प्रक्रिया वैदेशिक रोजगारीमा जानाले युवाहरु असुरक्षित हुने जनाईएको थियो । 
वैदेशिक रोजगारीलाई चाहेर पनि रोक्न नसकिने स्थिती भएकोले बिकल्प भनेको उचित ब्यवस्थापन र दीगो आयमुलक ब्यवसायमा रेमिट्यान्स लगानी नै भएको सुरक्षित आप्रवासन परियोजना सामीका जिल्ला संयोजक भक्तकुमार राईले दाबी गर्नुभयो । 
वैदेशिक रोजगारीका कारण बिभिन्न किसिमको सामाजिक समस्याहरु उत्पन्न हुने गरेको पनि संयोजक राईले सुनाउनुभयो । वैदेशिक रोजगारीको कारण महिलामा कामको बोझ हुने, अर्मपर्म गर्दा समेत लाञ्छना लाग्ने, पारिवारिक तनाब उत्पन्न, बालबच्चाको भबिश्यमा असर, पारिवारिक बिखण्डन, आत्महत्या जस्ता डर लाग्दो परिस्थितीहरु समाजमा उत्पन्न भईरहेको बताईएको छ । यी यस्ता बिभिन्न समस्या रोक्ने तथा ब्यवस्थापनका लागि समेत परियोजनाले काम गरिरहेको परियोजनाले जनाएको छ ।
गाउँपालिकाबाट वैदेशिक रोजगारीमा गएका तथा जान तयार कामदारलाई सुरक्षित बनाउँदै उनिहरुको वैदेशिक रोजगारीलाई उपलब्धीमुलक बनाउने उदेश्यले आयोजना गरिएको कार्यक्रममा गाउँपालिकाका अध्यक्ष अर्जुनकुमार खड्का तथा उपाध्यक्ष सरिता खड्का लगायतको सहभागिता रहेको थियो । अन्र्तक्रियामा जिल्लामा वैदेशिक रोजगारको अवस्था, वैदेशिक रोजगारीबाट जिल्लामा आएको समस्या, भित्रिएको रेमिट्यान्स, वैदेशिक रोजगारीले समाजमा निम्त्याएको सकरात्मक–नकरात्मक पक्ष, परियोजनाका साझेदार संस्थाहरुले गरेका काम र पाएका उपलब्धी लगायतको प्रस्तुति र छलफल गरिएको थियो ।
बालसेवा समाजका अध्यक्ष चन्द्रकला भुजेलको अध्यक्षतामा सम्पन्न कार्यक्रममा परियोजनाका बिद्यालय तथा आम सञ्चार कार्यक्रमका संयोजक ओजोनबाबु आचार्य र नबकिरण सेवा समाज नेपाल दुर्छिमको साझेदारीमा सञ्चालित सूचना तथा परामर्श केन्द्रका अम्बिका दाहालले सुरक्षित वैदेशिक रोजगारी सम्बन्धी प्रस्तुति गर्नुभएको थियो । परियोजनाको सम्पर्क ब्यक्ति युवराज रिजाल, साकेला क्लब रतन्छाका अध्यक्ष कबिकुमार राईको समेत सहभागिता रहेको अन्र्तक्रिया पश्चात सुरक्षित वैदेशिक रोजगारीको लागि स्थानीय तहको तर्फबाट पनि बिशेष पहल गर्न आवश्यक ठहरिएको निष्कर्ष निकाल्दै कार्यान्वायन पक्षमा जाने बताईएको छ ।
सुरक्षित वैदेशिक रोजगारीको क्षेत्रमा चालु आर्थिक बर्षमा कार्यक्रम छुटे पनि आगामी आर्थिक बर्षमा प्राथमिकताका साथ कार्यक्रमको योजना बनाईने गाउँपालिकाका अध्यक्ष  अर्जुनकुमार खड्काले प्रतिबद्घता जनाउनुभयो । अध्यक्ष अर्जुन खड्काले यथासम्भब यो आर्थिक बर्षमा पनि यस क्षेत्रमा पालिकाले काम गर्न प्रयत्न गर्ने अभिब्यक्ति दिनुभयो । गाउँसभामा अर्थात समयमै प्रस्ताब नआएकाले यो आर्थिक बर्षमा  सुरक्षित वैदेशिक रोजगारीको क्षेत्रलाई प्राथमिकताका कार्यक्रम सञ्चालन गर्न नसकिए पनि यो बिषय सकरात्मक भएकोले कार्यक्रम सञ्चालनमा कञ्जुस्याँईं नहुने कार्यपालिकाका जनप्रतिनिधिले जनाएका छन् । 

यसमा तपाईको प्रतिक्रिया

«
Next
Newer Post
»
Previous
Older Post