sponsor

वैदेशिक समाचार

विशेष

गतिविधि

सेराेफेराे

राष्ट्रिय समाचार

» » » खोटाङमा जथाभाबी पार्किङ गरे ५ हजार जरिवाना

खोटाङ पुस–१२, खोटाङ सदरमुकाम दिक्तेलबजार समेत रहेको रुपाकोट मझुवागढी नगरपालिकाले जथाभाबी सवारी पार्किङ गरे ५ हजार जरिवाना लिने निर्णय गरिएको छ । नगरपालिकाले सञ्चालन गरेको सरसफाई तथा नगर ब्यवस्थापन कार्यक्रमको समीक्षा गर्दै बुधबारदेखि बस तथा जिपलाई ब्यवसायीले आ–आफ्नो स्थान अर्थात बस पार्कमा पार्किङ नगरी जथाभाबी पार्किङ गरेमा जरिवाना लिने निर्णय गरिएको हो । 
जिल्लामा सञ्चालित सवारीसाधनलाई पटक–पटक बसपार्क र जिपपार्कमा पार्किङ गर्न अनुरोध गरिए पनि यातायात व्यवसायीले बेवास्ता गरेकाले यातायात ब्यवसायी सहितको सर्बपक्षीय उपस्थितीमा यस्तो निर्णय गरिएको जनाईएको छ । 
जिपलाई हाँटडाडामा रहेको जिपपार्क र बस तथा ट्रकलाई आचार्यटोल र सोल्मा डाडाँगाउँमा रहेको बसपार्कमा नै पार्किङ गर्न अनुरोध गरिएको मेयर दिपनारायण रिजालले बताउनुभयो ।  
दुई वटै बसपार्क तथा जिपपार्कमा भौतिक पूर्वाधार तयार भईसके पनि ब्यवसायीले पार्किङका लागि नलगी बजारमै पार्क गर्दै आएका थिए । 
यस्तै, दिक्तेलबजारमा सडक साँघुरो भएकाले गर्दा बिद्यार्थीको चहलपहल बढी हुने बिहान ९ बजेदेखि साँढे दश बजे र साँझ ३ बजेदेखि साँढे चार बजेसम्म मोटरबाईक बाहेक कुनै पनि सवारी साधन गुडाउन निषेध गरिएको नगरपालिकाले जनाएको छ ।  

यसमा तपाईको प्रतिक्रिया

«
Next
Newer Post
»
Previous
Older Post