sponsor

समाचार

वैदेशिक समाचार

विशेष

गतिविधि

सेराेफेराे

राष्ट्रिय समाचार

» » ७२ वर्षिया बोक्सी काण्डको मुद्धा मानव अधिकार आयोगमै ओझेल

खोटाङ १७ पुस
अदालतबाट बोक्सी सम्बन्धी कसुरमा अघि बढाउनुपर्ने मुद्धा प्रहरी कार्यालयले जालसाँझी गरी सिडिओ कार्यालय पठाएपछि उचित न्याय नपाएको भन्दै जिल्लाको साकेला गाउँपालिका १ का पीडित पक्षले वर्ष दिन अघि मानव अधिकार आयोगमा उजुरी दिएपनि आयोगमा भने उक्त मुद्धा ओझेलमा परेको पाइएको छ ।

मानव अधिकार आयोगले घटनाबारे घटनास्थलमा पुगेर अध्ययन गर्नका साथै पीडित, पीडक र प्रहरीसँग पनि बयान लिएर फायल केन्द्रसम्म पठाएको पाइएको छ । तर, मानव अधिकार आयोग केन्द्रीय कार्यालयले घटनाकाे पछिल्लो अवस्था के छ भनि पठाएको पत्रको उत्तर पठाउन भने क्षेत्रीय कार्यालय दिक्तेलले ढिलाई गरेको पाइएको हो ।

आयोग कार्यालय दिक्तेलका प्रमुख मोहनदेव जोशीले उक्त मुद्धाको विषयमा थुप्रै काम भईरहेको र एक पटक केन्द्रमा समेत पठाएको तर पुनः पछिल्लो अवस्थाबारे लेखि पठाउन आग्रह भएकाले सो बारे बुझेर पठाउने तयारी भईरहेको बताए । मानव अधिकार आयोग केन्द्रिय कार्यालयले भने जिल्लाबाट पछिल्लो अवस्थाबारेको जानकारी आउनसाथ फैसला प्रक्रिया अघि बढ्ने जनाएको छ ।

नियमत सामान्य प्रकृतिका घटनाको मुद्धा ६ महिनाभित्र फछ्यौट गरिसक्नुपर्ने प्रावधान भएपनि वर्ष दिनसम्म उक्त मुद्धा आयोगबाट किनारा लाग्न सकेको छैन ।

२०७३ जेठ १२ गते नाबालक छोरो नबोलेको निहुँमा साकेला गाउँपालिका १ सेखुवाकी एक ७२ वर्षिया वृद्धामाथि निर्घात कुटपिट भएको थियो । त्यसलगत्तै पीडित पक्षले प्रहरीमा उजुरी जाहेर गरेपनि प्रहरीले भने बोक्सी सम्बन्धी कसुरमा मुद्धा नचलाई सामान्य कुटपिटको घटना भन्दै सिडिओ कार्यालयमार्फत मुद्धा चलाएको थियो ।

पीडित पक्षले भने प्रहरी प्रशासनले जाहेरीमा रहेको बोक्सी सम्बन्धी ब्यहोरा समेत केरमेट गरी जालसाँझी गरेर मुद्धालाई सामान्य कुटपिट प्रकृटिको बनाएर चलाएको आरोप लगाएका छन् । पीडित पक्षले तत्कालिन डिएसपी विद्यानन्द माझी र मुद्धा फाँट प्रमुख मनोज यादवलाई कारबाही र उचित क्षतिपुर्ति माग समेत गरेर आयोमा मुद्धा दायर गरेका थिए ।

उक्त मुद्धाको फैसला भने गत २० मंसिरमा सिडिओ कार्यालयले गरेको छ । सिडिओ एकदेव अधिकारीका अनुसार कुटपिटमा संलग्न धनगञ्ज राई दम्पत्तिलाई १०/१० हजार जरिवाना गरिएको छ ।
पीडित पक्षले भने आफूहरुले क्षतिपूर्ति र उचित न्याय नपाएको गुनासो गर्दै आएका छन् । 

यसमा तपाईको प्रतिक्रिया

«
Next
Newer Post
»
Previous
Older Post