sponsor

समाचार

वैदेशिक समाचार

विशेष

गतिविधि

सेराेफेराे

» » » थुलुङ भाषाको पाठ्य सामाग्री निर्माण गर्न कोरियाबाट सहयोग (बिवरणसहित)


खोटाङ असार–१४, यही शैक्षिक सत्रदेखि बिद्यालयमा पहिलो पटक पठनपाठन गर्न सुरु गरिएको थुलुङ राई भाषाको पाठ्य सामाग्री निर्माण गर्न कोरियाबाट आर्थिक सहयोग प्राप्त भएको छ । खोटाङ, सोलुखुम्बु र ओखलढुंगाका २७ बिद्याालयमा पठनपाठन भईरहेको उक्त भाषाको पाठ्य सामाग्री निर्माण गर्न एक लाख ६६ हजार ५ सय ७० रुपैंयाँ (१६ लाख ७२ हजार पाँच सय वन) आर्थिक सहयोग प्राप्त भएको हो । 

डिल्ली थुलुङ र बिजय थुलुङको नेतृत्वमा रोजगारीको सिलसिलामा कोरिया वसोबास गर्दै आएका सोलुखुम्बु जिल्लाका २२ जना थुलुङ राईहरुबाट उक्त रकम संकलन गरिएको हो । संकलित रकम नेपालमा रहनुभएको मानध्वज थुलुङमार्फत सम्बन्धित संस्थालाई काठमाण्डौंमा हस्तान्तरण गरिएको थुलुङ राई भाषा पाठ्यक्रम बिकास केन्द्रका सदस्य पदम थुलुङ राईले बताउनुभयो ।

 थुलुङ राई साँस्कतिक प्रतिष्ठानका अध्यक्ष निर्कुधन थुलुङ र पाठ्यक्रम संगीत बिभागका संयोजक पदम थुलुङ राईलाई हस्तान्तरण गरिएको उक्त रकम पाठ्य सामाग्री अन्तर्गतकै बालगीत (राईम्स) निर्माणमा खर्च हुने जनाईएको छ । 

यसअघि थुलुङ राई भाषाको पाठ्य सामाग्री निर्माण तथा ब्यवस्थापनमा समस्या भएको समाचार प्रकाशन तथा प्रशारण भएका थिए । आफ्नो मातृभाषामा पठनपाठन गर्न र गराउन शुरु भएपछि बिद्यार्थी तथा अभिभाबकहरु उत्साहित भए पनि पाठ्यक्रममा निर्धारण गरिएको पाठ्य सामाग्री ब्यवस्थापनमा आर्थिक समस्या भएको बताईएको थियो । 

 हाल पठनपाठन भईरहेको शिशु र १ कक्षाका बिद्यार्थीका लागि पाठ्यक्रममा उल्लेखित ब्याकरण, शब्दकोष र राईम्स अर्थात बालगीत निर्माण लगायत थप ब्यस्थाका लागि रकम अभाव भएको उक्त पाठ्यक्रम केन्द्रले जनाएका छन् । 

स्थानीय तह कार्यान्वयनपछि विभिन्न भाषाभाषीमा पठन–पाठनको बाटो खुलेका छन् । मातृभाषाको प्रभाबकारी पठनपाठनको लागि सबैबाट सहयोगको अपेक्षा गरिएको केन्द्रको संयोजक खुक्सङ खम्बुको भनाई छ । 

     कोरियाबाट सहयोग गर्ने सहयोगदाताहरुको विवरण

१, डिल्ली थुलुङ राई (देउसा) – २१०००० वन
२, चुडामणी थुलुङ राई (देउसा) – १५०००० वन
३, नविन थुलुङ राई (देउसा) – १५०००० वन
४, लक्ष्मी थुलुङ राई (देउसा) – ५०,००० वन 
५, अम्बिता थुलुङ राई (देउसा) – ५१,००० वन
६, बुद्दिकृष्ण थुलुङ राई (देउसा) – ५०,००० वन
७, जापान थुलुङ राई (देउसा) – ५०,००० वन
८, युवन्द थुलुङ राई (देउसा) – ५०,००० वन
९, प्रविण थुलुङ राई (देउसा) – ५०,००० वन
१०, हेमकर्ण थुलुङ राई (देउसा) – ५०,००० वन
११, केशब थुलुङ राई (देउसा) – ५०,००० वन
१२, देशु थुलुङ राई (देउसा) – ५०,००० वन
१३, प्रभुराज थुलुङ राई (देउसा) – ५०,००० वन
१४, हरिचन्द्र थुलुङ राई (देउसा) – १००,००० वन
१५, बिनोद थुलुङ राई (मुक्ली) – १००,००० वन
१६, बलबहादुर थुलुङ राई (सल्यान) – ५०,००० वन
१७, सन्तोष थुलुङ राई (पञ्चन) – ५१,००० वन 
१८, धनकुमार थुलुङ राई  (देउसा) – ५०,००० वन
१९, बिजया थुलुङ राई र पूर्णिमा थुलुङ राई (देउसा) – १५२,५०० वन
२०, जीवन थुलुङ राई (देउसा) – १०,५५,०० वन  
२१, मानध्वज थुलुङ राई (देउसा) –२५,०० रुपैंयाँ

यसमा तपाईको प्रतिक्रिया

«
Next
Newer Post
»
Previous
Older Post