sponsor

समाचार

वैदेशिक समाचार

विशेष

गतिविधि

सेराेफेराे

» » भुँइफुटुवा निस्के धनिराम नछुङ

भिम राई
२ भदौ । खोटाङ जिल्लाको सदरमुकाम दिक्तेलबजारमा करिब २७ बर्ष अगाडि हल्ला चल्यो । सोल्मा राजखर्कमा ६ बर्षको बालक धामी निस्कदै छ रे ! सबैले उसको नाम सानोधामी राखे । उनको लगाव धामी विधामा बढ्यो । उनै सानोधामी भुँइफुटुवा भएर निस्के लोकलाज ढाक्नेगरी । 

६ वर्षको उमेरबाट जोखना हेर्नेकाम गरेर धामीका यात्रा थालेका उनै व्यक्ती हुन गायक तथा संगीतकार धनीराम नक्छुङ । ७ बर्षको उमेरदेखि अर्काको घरमा चिन्ता बस्न हिँडन थालेका उनी धामीविधामा पोख्त भुँईफुटुवा हुन् । धामी विधामा भुँईफुटुवा भएजस्तै गीत सँगीतमा पनि भुँईफुटुवा नै निस्के । 

सानै उमेरबाट गीतसंगीतमा रुचि राख्ने उनले स्थानीय रुपाको सामुदायीक रेडियो स्थापना भएपछि पहिलो पटक ‘पालै पालो’ भन्ने कार्यक्रममा पहिलो गीत रेकर्ड गराए । यसबाट शुरुभयो उनको संगीतको यात्रा । गाउँमा सानोधामीको नामले कहलिएका उनी नौ वर्ष नेपाली सेनाको जागीर समेत खान भ्याए । नौ वर्ष नेपाली सेनाको जागीर सकेर उपदानमा निस्केका उनी दुईवर्ष मलेशियाको वैदेशिक रोजगारमा समेत पुगे । उनी जँहा गए । जे गरे । तर गीतसंगीत प्रतिको उनको मोह उतिकै बढेको बढै रहयो । 

उनले नेपाली सेनाभित्र हुँदा होस या मलेशियाको वैदेशिक रोजगारमा रहँदा होस गीत गाउन स्टेजमा चढिरहे । स्टेजमा उभिएर उनले नारायण गोपाल, गोपाल योञ्जन, रामकृष्ण ढकाल र राजेशपायल राईहरुको गीत सुनाई रहे ।  

मलेशियाको बसाई छाडेर नेपाल फर्केपछि उनी यातायात व्यवसायीका रुपमा काम गर्न थाले यो सँगै उनी संगीतकर्ममा समेत जोडिए । उनले ल्याएको ‘पाउन पनि सकिन तिम्रो जीवनलाई’ उनको पहिलो गीत हो । 

यसपछि ‘घर हाम्रो खोटाङ दिक्तेल बजार’। चर्चित गायीका पार्वती राईसँग डोयट स्वरमा रहेको गीतको शब्द तथा संगीत उनै धनिराम नुछङको हो । यस्तै अस्मिना राईको शब्दमा रहेको ‘सुनकोशीको तिरैमा हावा सरर’ उनकै लय संकलन र स्वरमा रहेको अर्को गीत खोटाङ जिल्लाको बर्णन गरिएको गीत हो । खोटाङ जिल्लाको पर्यटन प्रवद्र्धनमा सहयोग पु¥याउन जिल्लाको महत्वपूर्ण स्थलहरुको बारेमा गीतको शब्द रहेकाले पनि उनी आशाबादी छन् । 

यो गीत पछि क्रमश ः अर्को नयागीतको पोष्ट प्रोडक्सनको काम भईरहेको उनले सुनाए । गीतसंगीत रुचिको विषय भएकाले उनले यसबाट धन कमाउने भन्दा बढी नाम कमाउने सोचमा रहेको उनले सुनाए । अब छिट्टै बजारमा अर्को गीत आउन लागेको छ । उनको पहिलो र दोस्रोगित बजारमा रामै्र चर्चामा रहेको छ । भने तेस्रोगित पनि उतिकै दमदार रहने उनले आशा गरेका छन् । 


यसमा तपाईको प्रतिक्रिया

«
Next
Newer Post
»
Previous
Older Post