sponsor

समाचार

वैदेशिक समाचार

विशेष

गतिविधि

सेराेफेराे

» » » परदेशीका घर–घरमा आम्दानीमुलक व्यवसाय

मिनप्रसाद आचार्य/खोटाङ
भदौ–२८, खोटाङस्थित दिक्तेल रुपाकोट मझुवागढी नगरपालिका–१ दिक्तेलवारी निवासी देविकुमारी आचार्यलाई यस्तो पनि गरिएला भन्ने कल्पनै थिएन । वैदेशिक रोजगारीका क्रममा मलेसियामा रहेका छोराको कमाईले परिवार चल्दैथियो । उहाँको परिवारमा आम्दानीको वाटो पहिल्याउने कुनै मेसै थिएन ।

तर हाल देवीकुमारीको जग्गा तरकारीले हराभरा वनेको छ । ४३ बर्षिया आचार्यको तीन रोपनी बढी जग्गामा टमाटर, बन्दा, काउली, लसुन  लगायत विभिन्न  जातका  तरकारी रहर लाग्दो गरी फलेका छन् । 
गर्दा के नहुने रैछ र ? ६ हजार रुपैंयाँ लगानीमा सुरु  गरेको व्यावसायिक तरकारि खेती उहाँको परिवारको  लागि राम्रो आम्दानीको स्रोत बनेको छ । देवीकुमारीले नपत्याउँदो ढंगवाट त्यही तरकारी खेतीवाट मासिक १६⁄ १७ हजार रुपैंयाँ आम्दानी लिनुहुन्छ । 

देवीकुमारीले आम्दानी र खर्चको विवरण समेत चुस्त राख्ने गर्नुहुन्छ । यसो गर्दा खर्च घटाउन र आम्दानी वढाउन सकिने उहाँको अनुभव छ । 

देवीकुमारीलाई एक प्रतिनिधिको रुपमा मात्र लिइएको हो ।  खर्च को  हिसाब राख्दै जिवनलाई सहज मार्गमा डोरयायी  रहनु भएको छ  । हाल सो वडावाट वैदेशिक रोजगारीमा गएकाको सवै परिवारले आम्दानीको वाटो समाएका छन् । स्थानीयले घरायसी खर्चका लागि घरैमा आम्दानी गरी वचत गर्न तथा वैदेशिक रोजगारीवाट आफन्तले कमाएको रकम वचाउन थालेका छन् । 

परदेशीले दुःख गरी कमाएको रकमको महत्व वुझी घरैमा पनि आम्दानीका वढाउनुपर्ने त्याहाँका स्थानीयको वुझाई छ । यो खालको वुझाई वित्तीय साक्षरता कक्षावाट प्राप्त भएको स्थानीय महिलाहरु सुनाउँछन् । 
वैदेशिक रोजगाारीमा गएको परिवारका सदस्य अर्थात रेमिट्यान्स सञ्चालकहरुलाई प्रदान गरिने २८ हप्ते वित्तीय साक्षरता कक्षामा  सहभागि भएपछि आम्दानीमुलक व्यवसाय सुरु गर्ने जाँगर पलाएको स्थानीयको भनाई छ । 

परिवार सञ्चालन सम्बन्धी  जोखिम न्युनिकरण र भोलिका दिनमा  कसरी आर्थिक रुपले सम्पन्न वन्ने भन्ने बिषयमा  छलफल भएपछि उक्त टोलका स्थानीयले विभिन्न सहकारी तथा वित्तीय संस्थाहरुमा  बचत बढाएर जीवन बिमा समेत गराएका छन् । बालसेवा समाज नेपाल नेर्पा खोटाङ र दितmेल  रुपाकोट मझुवागढी  नगरपालिकाको साझेदारीमा सञ्चालन गरिएको वितिय  साक्षरता कक्षाले पुरै वडामा परिवर्तन आएको वताईएको छ । सहभागिलाई टनेल, पाइप, हजारी, स्प्रिीङकल र विभिन्न जातका तरकारीक  विउ समेत वितरण गरिएको थियो । उक्त सामाग्रीहरुलाई उपयोगमा ल्याएपछि झनै आम्दानी वढाउन सकिएको सहभागीहरु वताउँछन् । 

सुरक्षित आप्रवासन परियोजना(सामी) अन्र्तगत सञ्चालन गरिएको वित्तीय साक्षरता कक्षावाट वित्तीय लक्ष्य निर्धारण हुनका साथै वैदेशिक रोजगारीलाई सुरक्षित वनाउने उपायहरुको वारेमा समेत छलफल गर्ने गरिएको छ ।  

यसमा तपाईको प्रतिक्रिया

«
Next
Newer Post
»
Previous
Older Post